Tee Ashegham

ی خوشگلی بَس که تماشا دَره
ماه تی اَدایه در آوردندِرِه
میرَم اگه یــروز نیدینَم تره
تی سیاچُـوم می دیلَه بَردَ نــدَره
تی ناز‌ و تی غَمزه مَرَه همیشه
می دیله مِن وِلوِلِه بَـر پا کُـونی
دانی که من تی عاشقم ، ولی باز
ننَم چِرِه می مرَه بد تا کُـونی
چقد آخه تُـوشکِه زَنی تی اَخمَه
دِ اَنقدَر نمک نزن می زخمَه”
تی کُویتا خُوبی جِه آخر بگم مَن
همه تا خوبـیَـه ایجا داری تُو
می چُـومِ سُـو شُـوندَره تی وَستی
حیف که می دیلِ جَه خبر نَـری تو
مره دینی تُـندَه کُـونی تی پایَـه
یواش بُـوشو ایپچه مَره راه بَدن
مگه تی دیلَ سنگِ جَه بساختید
مـرَه تی دیلِ میانی جا بَدن
چـقد آخه تُـوشکِه زَنی تی اَخمَه
دِ اَنقدَر نمک نزن می زَخمَه
بـدا بگم تــَره می دیلِ حَرفَ
تی عاشِقم ، عاشِقی حاشا نَره
نـوگو فَـراموشَه کُـونَم تی عشقه
باوَر بُـوکـون کِ هیـذَره راه نَر
چـقد آخه تُـوشکه زَنی تی اَخمَه
دِ اَنقدَر نمک نَـزن می زَخمَه